Bu gün (10 aprel) Bakı Ağır Cinayətlər Məhkəməsində hakim Mahmud Ağalarovun sədrliyi ilə “İnamla hüquq” MMC-nin direktoru, hüquq müdafiəçisi Bəxtiyar Məmmədovun işi üzrə hazırlıq prosesi keçirilib.
Vəkil Anar Qasımlı Obyektiv TV-yə bildirib ki, onlar zərərçəkmiş kimi tanınan şəxslərin məhkəmədə iştirakı ilə bağlı vəsatət qaldırıb. Hakim vəsatəti təmin edib və prosesi təxirə salıb.
Xatırladaq ki, Dövlət Bayrağı Meydanının yaxınlığında evləri sökülən hərbçiləri müdafiə etdiyinə görə təzyiqlərlə üzləşən Bəxtiyar Məmmədov ötən il dekabrın 30-da həbs edilib. Onun barəsində Cinayət Məcəlləsinin 182.3.2-ci (külli miqdarda əmlak əldə etmək məqsədi ilə hədə-qorxu ilə tələb etmə) maddəsi ilə cinayət işi başlanıb. Səbayel Rayon Məhkəməsi Bəxtiyar Məmmədov barəsində 3 ay həbs qəti-imkan tədbiri seçmişdi.