Milli Televiziya və Radio Şurası (MTRŞ) Azərbaycanın regionlarında fəaliyyət göstərən televiziya kanallarının monitorinqinin aparılması üçün Monitorinq Mərkəzlərinin yaradılmasını planlaşdırır.
Bu haqda məlumatı RATİ-yə MTRŞ sədrinin köməkçisi Toğrul Məmmədov verib:
”İlk olaraq Gəncəbasar regionundakı telekanalların izlənməsi üçün Gəncə şəhərində Monitorinq Mərkəzinin açılması nəzərdə tutulub. Biz Gəncə şəhər İcra Hakimiyyəti ilə məsələ ilə bağlı danışıqlar aparırıq. Əgər İcra Hakimiyyəti şuraya orada yer ayırsa, o zaman bölgədəki telekanallarda monitorinqin aparılması üçün lazımı işləri görmək mümkün olacaq”.