ABŞ-ın Azərbaycandakı səfirliyinin ictimaiyyətlə əlaqələr şöbəsinin rəhbəri Conatan Henik “Azadlıq” qəzetinin əməkdaşı Aqil Xəlil barədə telekanallarda yayımlanmış videosüjetə münasibət bildirib.
Henik “Azadlıq” qəzetinə verdyi açıqlamasında bildirib ki, “bizim fikrimizcə telekanallarda yayımlanan görüntülər həqiqətə uyğun deyil. Təbii ki, biz onlara inanmadıq. Və bu süjetləri ciddi qəbul etmədik. Mövqeyimiz dəyişməz olaraq qalır. Aqil Xəlilə qarşı cinayət törədənlər, əsl günahkarlar tapılıb cəzalandırılmalıdır”. Henik Azərbaycan hökuməti ilə danışıqlarında bu məsələni vurğuladıqlarını da qeyd edib.