“Trend” İnformasiya Agentliyinin yaydığı məlumata görə, “Azercell” şirkətinin mətbuat katibi Rüfət Abbasov “Gündəlik Azərbaycan” qəzetinin əməkdaşı Üzeyir Cəfərova gələn hədələyici anonim zənglərlə bağlı polisin “Azercell” şirkətinə göndərdiyi sorğunun cavablandırmamasına münasibət bildirib.
O vurğulayıb ki, ““Azercell” istifadəçilərin məxfiliyini qanunvericiliyin tələblərinə uyğun qoruyur. Azərbaycan qanunvericiliyinə, GSM müqavilələrinin şərtlərinə və “Azercell”-də mövcud olan qaydalara əsasən abonentlərə dair məlumatlar, qanunvericilikdə nəzərdə tutulmuş hallar istisna edilməklə, məxfi hesab olunduğuna görə üçüncü şəxslərə təqdim edilmir. Cəfərov şirkətdən istədiyi məlumatı ancaq məhkəmə qərarı əsasında ala bilər”.
Bununla bağlı Üzeyir Cəfərovun mövqeyini öyrənmək üçün onunla əlaqə saxladıq. Jurnalist bildirdi ki, “dünən (26 fevral) telefon vasitəsilə Rüfət Abbasovla danışıb. Abbasov mənə dedi ki, biz sizi başa düşürük, lakin biz məxfiliyi təmin etməliyik, siz istədiyiniz məlumatı yalnız məhkəmə qərarından sonra ala bilərsiniz. Buna cavab olaraq “Azercell”-in nümayəndəsinə bildirdim ki, burada heç bir məxfilikdən söhbət gedə bilməz. Konkret olaraq mənə yüzlərlə hədələyici zəng gəlib. Bu mənim həyatıma təhlükədir və bunun qarşısı qabaqcadan alınmalıdır”. Cəfərov onu da əlavə etdi ki, “mən dünən keçirdiyim mətbuat konfransındakı fikirlərimin üzərində dururam və 5 saylı polis bölməsindən rəsmi cavab məktubunu aldıqdan sonra “Azercell” şirkətini məhkəməyə verəcəyəm. Dünənki söhbət zamanı Rüfət Abbasov dediyim sözləri təkzib etməyimi məndən xahiş edib və bildirib ki, bu cür addımlarınız şirkətin adına xələl gətirir. Onlar məni kimlərləsə səhv salıblar”.
Bununla bağlı Üzeyir Cəfərovun mövqeyini öyrənmək üçün onunla əlaqə saxladıq. Jurnalist bildirdi ki, “dünən (26 fevral) telefon vasitəsilə Rüfət Abbasovla danışıb. Abbasov mənə dedi ki, biz sizi başa düşürük, lakin biz məxfiliyi təmin etməliyik, siz istədiyiniz məlumatı yalnız məhkəmə qərarından sonra ala bilərsiniz. Buna cavab olaraq “Azercell”-in nümayəndəsinə bildirdim ki, burada heç bir məxfilikdən söhbət gedə bilməz. Konkret olaraq mənə yüzlərlə hədələyici zəng gəlib. Bu mənim həyatıma təhlükədir və bunun qarşısı qabaqcadan alınmalıdır”. Cəfərov onu da əlavə etdi ki, “mən dünən keçirdiyim mətbuat konfransındakı fikirlərimin üzərində dururam və 5 saylı polis bölməsindən rəsmi cavab məktubunu aldıqdan sonra “Azercell” şirkətini məhkəməyə verəcəyəm. Dünənki söhbət zamanı Rüfət Abbasov dediyim sözləri təkzib etməyimi məndən xahiş edib və bildirib ki, bu cür addımlarınız şirkətin adına xələl gətirir. Onlar məni kimlərləsə səhv salıblar”.