Sentyabrın 16-dan “Yeni Müsavat” qəzetinin bank hesablarına həbs qoyulub.
Bu barədə RATİ-yə qəzetin baş redaktoru Rauf Arifoğlu məlumat verib.
“Bizim məhkəmə qərarlarına uyğun olaraq Dövlət Sərhəd Xidmətinə təxminən 2 min AZN, keçmiş prokuror Rəşid Həsənova isə təxminən 17 min AZN həcmində borcumuz var. Biz bu pulu hissə-hissə ödəyirik. Axırıncı dəfə ötən həftənin 5-ci günü biz 630 AZN ödədik. Amma Ədliyyə Nazirliyi Məhkəmə Qərarlarının İcrası Baş İdarəsi pulun hamısının birdəfəlik ödənilməsini tələb edir. Bu isə bizim imkanlarımız xaricindədir”, – deyə qeyd edən Arifoğlunun sözlərinə görə, bu səbəbə görə də “Yeni Müsavat”ın bank hesablarına həbs qoyulub.