YEVGENİYA JİVKOVA MÜSAHİBƏSİNƏ AYDINLIQ GƏTİRİB

fevral 14th, 2008
AŞPA Monitorinq Komitəsinin Azərbaycan üzrə həmməruzəçisi Yevgeniya Jivkova bu gün APA-ya açıqlama verib.

Onun sözlərinə görə, BBC radiosunun müxbirinə verdiyi müsahibədəki fikirləri düzgün anlaşılmayıb. Jivkova həmişə medianı müdafiə etdiyini vurğulayaraq, söz azadlığının mühüm amil olduğunu qeyd edib.  Onun sözlərinə görə, kütləvi informasiya vasitələri azad və müstəqil olmalıdır: “Mən heç zaman jurnalistlərin həbsinə tolerantlıq nümayiş etdirməmişəm, xüsusilə də jurnalist peşəkar fəaliyyətinə görə həbs olunursa”.