Bu gün (14 sentyabr ) Səbail rayon Məhkəməsində hakim Elnur Həsənovun sədrliyi ilə Adnan Hacızadənin atası Hikmət Hacızadənin və Emin Millinin (Avdullayev) atası Paşa Abdullayevin şəxsi və ailə həyatına hörmət hüququnun pozulması ilə bağlı Səbail rayon Polis İdarəsinin müstəntiqi Ziya Əliyevə qarşı qaldırdıqları iddia üzrə məhkəmə prosesi keçirildi.
Qeyd edək ki, hər iki valideyn ayrı-ayrılıqda iddia qaldırsalar da, iddiaların eyni icraatda birləşdirilməsi ilə bağlı vəsatətləri qəbul olunub.
Prosesdə çıxış edən iddiaçı tərəfin nümayəndələri görüş üçün dəfələrlə müraciət etmələrinə baxmayaraq, təmin edilmədiyini məhkəmənin diqqətinə çatdırıblar. Müstəntiq isə iddiaları qəbul etməyərək, qanundan kənar addım atmadığını vurğulayıb.
Hakim növbəti prosesi 17 sentyabr, saat 16.00-a təyin edib.
Xatırladaq ki, Emin Milli və Adnan Hacızadə 8 iyul tarixində axşam saatlarında dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb. İyulun 20-də Apellyasiya məhkəməsi sözügedən qərarı qüvvədə saxlayıb. Bakı İstintaq Təcridxanasında saxlanılan gənclərə valideynləri ilə görüş verilməyib.
Prosesdə çıxış edən iddiaçı tərəfin nümayəndələri görüş üçün dəfələrlə müraciət etmələrinə baxmayaraq, təmin edilmədiyini məhkəmənin diqqətinə çatdırıblar. Müstəntiq isə iddiaları qəbul etməyərək, qanundan kənar addım atmadığını vurğulayıb.
Hakim növbəti prosesi 17 sentyabr, saat 16.00-a təyin edib.
Xatırladaq ki, Emin Milli və Adnan Hacızadə 8 iyul tarixində axşam saatlarında dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb. İyulun 20-də Apellyasiya məhkəməsi sözügedən qərarı qüvvədə saxlayıb. Bakı İstintaq Təcridxanasında saxlanılan gənclərə valideynləri ilə görüş verilməyib.