Belə ki, prosesdə Savalanlı dövlət ittihamçısından ona cəza verilməsi barədə kimdən tapşırıq aldığına dair sual verib. Amma hakim Məmmədov gəncin sözünü kəsərək, ona “sual vermək olmaz” deyə bildirib.
Anar Qasımov Savalanlının ictimaiyyətə mesaj xarakterli məktub da ünvanladığını deyib. Məktubda gənc fəal saxta narkotik ittihamı ilə əslində azadlıq uğrunda apardığı mübarizəyə görə həbs olunduğunu deyib.
Xatırladaq ki, Cabbar Savalanlı fevralın 5-də qanunsuz narkotik saxlamaq ittihamı ilə həbs edilib. Cabbar Savalanlıya Cinayət Məcəlləsinin 234.1-ci maddəsi ilə (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) cinayət işi açılıb. Lakin onun sosial şəbəkələrdə iqtidar əleyhinə səsləndirdiyi fikirlərə görə həbs olunmağı istisna edilmir.
Qeyd edək ki, jurnalist Eynulla Fətullayev də saxta narkotik ittihamı ilə hazırda həbsə saxlanılmaqdadır. O da 2 il 6 ay müddətinə azadlıqdan məhrumetmə ilə cəzalandırılıb