Martın 2-də Sumqayıt Apellyasiya məhkəməsində hakim Azər Hüseynovun sədrliyi ilə AXCP Gənclər Komitəsinin üzvü Cabbar Savalanlı barəsində seçilmiş həbs qəti imkan tədbirinin ev dustaqlığı ilə əvəz olunmağı barədə verilən apellyasiya şikayətinə baxılıb.
Qapalı keçirilən məhkəmə prosesindən sonra gənc fəalın vəkili Anar Qasımovun verdiyi məlumata görə, prosesdə əvvəlcə hakim heyətinə etiraz olunub. Çünki işə cinayət kollegiyasının yox, mülki işlə üzrə kollegiya baxıb. Amma Etiraz təmin olunmayıb. HAbelə məhkəmə gənc fəalın ev dustaqlığı ilə bağlı verilən şikayətini də təmin etməyib.
Vəkilləri bu qərarın qanunsuz olduğunu əsas gətirərək Avropa Konvensiyanın 6-cı maddəsi (ədalətli məhkəmə araşdırması) ilə Cabbar Savalanlının hüquqlarının pozulduğunu bildiriblər.
Cabbar Savalanlı Cinayət Məcəlləsinin 234.1-ci maddəsi ilə (qanunsuz narkotik maddə saxlama) ittiham olunur. Onu 3 ilədək həbs cəzası gözləyir. Polis iddia edir ki, onun üzərindən 0,17 qr. tiryək götürülüb.
Gənc fəalın tərəfdarları əmindirlər ki, Savalanlı siyasi əsaslarla, xüsusən yanvarın 20-də müxalifətçilərin Şəhidlər Xiyabanına yürüşündə fəal iştirakına görə həbs olunub. Həmin vaxt müxalifətçilərin daşıdığı siyasi plakatlara görə onlarla polis arasında qarşıdurma yaranmışdı.
Qeyd edək ki, bu dəfəki proses də ciddi polis nəzarəti altında keçirilib. Polis gənc fəalın tərəfdarlarını məhkəmə binasının yaxınına belə buraxmayıb.
Vəkilləri bu qərarın qanunsuz olduğunu əsas gətirərək Avropa Konvensiyanın 6-cı maddəsi (ədalətli məhkəmə araşdırması) ilə Cabbar Savalanlının hüquqlarının pozulduğunu bildiriblər.
Cabbar Savalanlı Cinayət Məcəlləsinin 234.1-ci maddəsi ilə (qanunsuz narkotik maddə saxlama) ittiham olunur. Onu 3 ilədək həbs cəzası gözləyir. Polis iddia edir ki, onun üzərindən 0,17 qr. tiryək götürülüb.
Gənc fəalın tərəfdarları əmindirlər ki, Savalanlı siyasi əsaslarla, xüsusən yanvarın 20-də müxalifətçilərin Şəhidlər Xiyabanına yürüşündə fəal iştirakına görə həbs olunub. Həmin vaxt müxalifətçilərin daşıdığı siyasi plakatlara görə onlarla polis arasında qarşıdurma yaranmışdı.
Qeyd edək ki, bu dəfəki proses də ciddi polis nəzarəti altında keçirilib. Polis gənc fəalın tərəfdarlarını məhkəmə binasının yaxınına belə buraxmayıb.