Bu gün (19 yanvar) Səbail rayon Məhkəməsində hakim Elnur Həsənovun sədrliyi ilə “Azad iqtisadiyyata Yardım” Mərkəzinin rəhbəri Zöhrab İsmayıl (İsmayılov) Mərkəzi Seçki Komissiyasına (MSK) qarşı “Vəzifəli şəxsin hərəkətsizliyinin qanunsuz hesab edilməsi barədə” qaldırdığı iddia üzrə məhkəmə prosesi keçirilib.
Prosesdə iddiaçı tərəfdən Zöhrab İsmayılov və onun səlahiyyətli nümayəndəsi Fariz Namazov iştirak edirdi.
Hakim Elnur Həsənov bildirdi ki, prosesdən öncə MSK-dan məhkəməyə müraciət daxil olub: “MSK nümayəndələri bildirir ki, iddia müddəti ötürüldüyünə görə proses dayandırılmalı və iddia təmin edilməməlidir”. Sonda hakim MSK-nın müraciətini əsas gətirərək iddianı təmin etmədi.
Xatırladaq ki, proses hakimin kabinetində keçirilirdi.